Charles d'Orléans - Yver, vous n’estes qu’un villain

Yver, vous n’estes qu’un villain,
Esté est plaisant et gentil,
En témoing de may et d’avril
Qui l’accompaignent soir et main.

Esté revet champs, bois et fleurs,
De sa livrée de verdure
Et de maintes autres couleurs,
Par l’ordonnance de Nature.

Mais vous, Yver, trop estes plein
De nège, vent, pluye et grézil.
On vous deust banir en éxil.
Sans point fl ater, je parle plain,
Yver, vous n’estes qu’un villain.